《🥚雞蛋有乜好？》 🔸 雞蛋入邊有狗狗肌肉生長同埋再生所需嘅必須氨基酸，而且仲有牛磺酸，牛磺酸係貓咪需要嘅重要營養，但自身冇辦法合成，要靠由食物攝取。 🔸 雞蛋有葉黃素同玉米黃質 可以護眼 避免白內障/其他相關眼病 🔸 天然的膽鹼來源 促進神經傳導物質生成 幫助腦部發育、增強記憶力 有助脂肪代謝、保持肌肉健康 🔸 蛋黃同蛋白入邊嘅蛋白質含量差唔多 蛋黃嘅熱量更高 但含有更多嘅膽鹼 🔸 簡單一粒雞蛋 已經可以提供到氨基酸、抗氧化劑、蛋白質同膽鹼 如果可以嘅話 就盡量揀走地雞生嘅蛋 走地雞可以令母雞充分運動 更快樂健康咁成長 所生嘅蛋營養價值都會高啲 例如類胡蘿蔔素、脂肪酸同維生素E含量都會高啲
《夜晚散步，使唔使幫毛孩加盞燈照明？》 狗狗眼睛比人類有有更多嘅視桿細胞（負責弱光下嘅視覺） 美國威斯康辛大學研究顯示 狗嘅夜視能力係人類5️⃣倍 所以夜晚出街盞燈照俾我地睇下佢哋有冇偷食好過🤣 咁貓咪同人類比呢？ . . . . . 係人類嘅6️⃣倍呀
夏天咁熱，剃毛定唔剃？ 寵物自帶嘅皮毛其實係一件冬暖夏涼嘅外套 夏天用嚟隔熱，冬天用嚟保暖 佢哋會透過換毛嚟調節外套嘅厚度 雙層毛嘅狗喺春末夏初就會甩大量嘅內層絨毛 相當於除咗入邊件底衫剩返件外套 秋末冬初又開始生大量新毛 着返件厚厚底衫 加上狗唔會好似人類咁流汗 厚毛並唔會影響狗狗嘅降溫過程
簡單一個步驟，輕鬆維持毛孩皮膚健康 梳毛呢個超低成本嘅step，已經好處多多，記住定時幫狗梳毛呀 ✅減少脫毛：定期梳毛可以去除死毛除塵，保持清潔同時減少脫毛 ✅預防毛結：定期梳理可以防止毛髮打結，特別是對於長毛犬來說，能保持毛髮健康。毛髮一打結就容易包藏細菌微生物，容易有皮膚問題🪢 ✅促進血液循環：梳毛時的梳針反覆按摩皮膚，有助於促進血液循環，增強皮膚健康。 ✅檢查皮膚健康：梳毛的過程中，可以檢查狗狗的皮膚是否有紅腫、寄生蟲或其他問題，及早發現預防 ✅保持毛髮光澤：定期梳理有助於均勻分布皮脂，清理灰塵廢毛，使毛髮保持光澤。 梳毛呢個簡單步驟，已經有助維持毛孩健康，記所住得閒就梳下。如果毛孩抗拒梳毛，可以試下俾筋筋/牛J佢地，當佢地沉浸式咁咬咬嘅時候，世界發生嘅事都唔關佢地事，大家可以盡情大梳特梳🤪
一定要用寵物專用沖涼液？ 唔知大家有冇聽過一種說法，話狗狗唔可以用人類嘅沐浴露，「因為大家嘅皮膚pH 值唔同 人類皮膚偏酸性，而狗狗皮膚偏鹼性，所以狗狗用我哋嘅沐浴露沖涼就會容易有皮膚病」 其實人類皮膚係偏酸，而犬類皮膚係接近中性 就算用咗同皮膚pH 值唔一致嘅沐浴露，只要唔係過於頻繁，而且pH值唔好過高或者過低，健康皮膚酸鹼值好快就會回復正常
